Spiel, Spass und Volleyball

Spiel, Spass und Volleyball

Rita Schaller (079 258 70 25)
Rainer Martig
 

Wer: Damen und Herren ab 35 Jahren

Wann: Dienstag, 19:45 - 21:45Uhr, OS Gampel

Beginn: Dienstag, 22. August 2023

Saison 2021/2022             +35                 Jahresbericht

Där Afang va ischum Training isch am 24.08. gsi. Wiär sie mit 10 Personä gstartu. Där Rainer und ich mächä abwägsligswies die Trainings. Wiär sie die ganz Saison mit 8-10 Turnär und Turnärinnä inä Trainings gsi.

Vor dä Wiänächstferiä heiwär an Racletteabu inär Burgärstubu gmacht, wa isch där Kuster Thomas die feinu Raclett gstrichu het und wiär hei an luschtigä Abu zämu ka.

Merci hiä dum STV fär d’Ubärnahm va dem Abu und där Gmein fär d’Lokalität.

Nadä Feriä is dä wietärgangu, leidär het isch dä in der Ziet där Roland gseit, dass är nimmä ins Training chummä, daher heiwär ei Ma wenigär.

Där Louis Eberhardt isch dä neu zu isch cho das het isch sehr gfreut.

Zum Abschluss heiwär dä im Jägerheim äs feins Nachtässu gignossu und t’Saison abgschlossu.

Dischi Saison isch där Schnyder Stefan uf Platz 1 vanä meischtu Turnstundä, abär öi alli andru sind sehr zahlrich da gsi, eu wänn wär ab und züä eifach zwenig sie gsi fär die Turnstund zstartu.

Also hiä numal gad än Üfrüäf. Alli wa gäru Volleyball spielunt sind härzlich igladu mal am Dienstag zu isch zcho.

Schaller Rita & Martig Rainer