35+

35-600x359.jpg

35+

Rita Schaller
Rainer Martig
 

Wer: Damen und Herren ab 35 Jahren

Wann: Dienstag, 20:00 - 22:00 Uhr, OS Gampel

Beginn: Dienstag, 3. September 2019

 

 Jahresbericht 35+ 

In d Saison 2018/2019 siewär mit 8 Turner/inne gstartut. Das het schi z Jahr meh oder weniger mit 8-10 Lit ghaltu. 

Der Rainer und ich probiere es abwägslichsrichs Training z gstaltu, mal biz stränger, mal gmietlicher, aber z Volleyball darf natierli nit fehlu! 

Am Apéro vam Beachtournier heiwär leider nit so zahlriech chännu teilnäh, aber trotzdem danke fer d Iladig. 

Ändi Januar siewär dä wieder va Jeizinu in d Schneebar glufu, diz Mal het der Elmar uf isch mit dera feinu, warmu Boillon gwartut, a feine Abund mit güetär Kollegschaft, güetum Wi, Tanz und feinum Fondü isch de abgrundut cho mit viel Gspass und güetum Hängärt. 

Am 2. Februar siewär dä mit 8 Lit ins Volleytournier uf Sustu, leider heiwär scho im 1. Satz a Bändärriss vam Rainer miessu biklagu, wa isch gat a biz user Bahn het gworfu, aber hei isch de ämil widär gfangu. Di Pascale het isch mitumä köschtlichu Apéro värwennt. Si de schlussäntli ufum 6. Platz va 12 Mannschafte glandut. Der Abschluss heiwär mit ischum Gwinn vama ½ Raclettchees im Jägerheim gmacht, der Aldo het isch dä feini Raclett gstrichu und so hei wiär denu Tag dä abgschlossu. 

Där Räscht vanär Saison heiwär de iner Hallu oder Forna ufum Beachfäld trainiert. 

Im Beachvolleytournier heiwär de ische 1. Platz ghaltu und die alljährlich Biärdusch erhaltu. Danke de Organisatoru fär der toll Abu, abgseh natirli vanär Biärdusch. 

Zum Abschluss siewär dä nu zum Hanni und Leandi fein ga ässu und hei d Saison dä mit dumä glungnu Abu abgschlossu. 

Fliessigstu Turner: 

  • Thoams 1 Fehlstund 

  • Stefan 3 Fehlstundä 

  • Urs 4 Fehlstundä